ଦିଲ୍ଲୀ ସମେତ ଉତ୍ତର ଭାରତରେ ପ୍ରବଳ ଗରମ ଏବଂ ଗ୍ରୀଷ୍ମ ପ୍ରବାହର ପ୍ରଭାବ ବୃଦ୍ଧି ପାଇଛି। ଅନେକ ସହରର ତାପମାତ୍ରା 45 ରୁ 48 ଡିଗ୍ରୀ ପର୍ଯ୍ୟନ୍ତ ପହଞ୍ଚିଛି।ମଙ୍ଗଳବାର ଦିନ  ରାଜଧାନୀ ଦିଲ୍ଲୀରେ ଏହି ମାସର ପ୍ରଥମ ହିଟୱେଭ୍  ରେକର୍ଡ କରାଯାଇଛି, ଝାଞ୍ଜି ପବନ ଏବଂ ପ୍ରବଳ ସୂର୍ଯ୍ୟାଲୋକ ତାପମାତ୍ରା 45 ଡିଗ୍ରୀକୁ ପହଁଞ୍ଚିଛି।ପାଣିପାଗ ବିଭାଗ ଆଗାମୀ ଦିନରେ ହିଟୱେଭକୁ ପରିସ୍ଥିତି ପାଇଁ ଅରେଞ୍ଜ ଆର୍ଲଟ ଜାରି କରିଛି।ଭାରତୀୟ ପାଣିପାଗ ବିଭାଗ ଅନୁଯାୟୀ ସହରର ମୁଖ୍ୟ ପାଣିପାଗ ପର୍ଯ୍ୟବେକ୍ଷଣ କେନ୍ଦ୍ର ସଫଦରଜଙ୍ଗରେ ସର୍ବାଧିକ ତାପମାତ୍ରା 45.1 ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି, ଯାହା ସ୍ୱାଭାବିକ ଠାରୁ 4.7 ଡିଗ୍ରୀ ଅଧିକ ଏବଂ ପୂର୍ବ ଦିନ ତୁଳନାରେ 1.7 ଡିଗ୍ରୀ ଅଧିକ ଥିଲା। ପାଲମ ଷ୍ଟେସନରେ ମଧ୍ୟ 45.1 ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ କରାଯାଇଛି।ଲୋଧି ରୋଡ୍ ଷ୍ଟେସନରେ ସର୍ବାଧିକ ତାପମାତ୍ରା 45.2 ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି, ଯାହା ସ୍ୱାଭାବିକ ଠାରୁ 6.2 ଡିଗ୍ରୀ ଅଧିକ ଏବଂ ପୂର୍ବ ଦିନ ତୁଳନାରେ 1.4 ଡିଗ୍ରୀ ଅଧିକ।