କୋଲକାତା 26 ଡିସେମ୍ବର -ପଶ୍ଚିମବଙ୍ଗ ବିଧାନସଭାରେ ବିରୋଧୀଦଳର ନେତା ଶୁଭେନ୍ଦୁ ଅଧିକାରୀଙ୍କୁ ନେଇ କେନ୍ଦ୍ରୀୟ ଗୁପ୍ତଚର ସଂସ୍ଥା ଏକ ବଡ ସତର୍କ ସୁଚନା ଜାରି କରିଛି।ରିପୋର୍ଟ ଅନୁସାରେ ବାଂଲାଦେଶ ସ୍ଥିତ ଦୁଇଟି କଟ୍ଟରପନ୍ଥୀ ସଂଗଠନ ,ଜମାତ-ଉଲ-ମୁଜାହିଦୀନ ବାଂଲାଦେଶ(ଜେଏମବୀ) ଏବଂ ହିଜ୍ବ-ଉତ-ତହରୀର(ଏଚୟୁଟୀ)ର ସଦସ୍ୟ ଅଧିକାରୀଙ୍କୁ ଟାର୍ଗେଟ କରିପାରନ୍ତି।ଏହି ସଂଗଠନର କିଛି ସଦସ୍ୟ ପୁର୍ବରୁ ଭାରତୀୟ ସୀମାରେ ପ୍ରବେଶ କରିସାରିଛନ୍ତି।ଗୁପ୍ତଚର ଏଜେନ୍ସି କହିଛନ୍ତି ଯେ ଶୁଭେନ୍ଦୁ ଅଧିକାରୀଙ୍କୁ ସାଧାରଣ କାର୍ଯ୍ୟକ୍ରମ ସମୟରେ ଟାର୍ଗେଟ କରାଯାଇପାରେ।ଅଧିକାରୀ ନିକଟରେ ବାଂଲାଦେଶରେ ଅଳ୍ପସଂଖ୍ୟକ ଏବଂ ହିନ୍ଦୁ ଧାର୍ମିକ ସ୍ଥାନ ଉପରେ ହୋଇଥିବା ଆକ୍ରମଣ ବିରୋଧରେ ସ୍ୱର ଉତ୍ତୋଳନ କରିଛନ୍ତି।ଏହି ବିପଦକୁ ଦୃଷ୍ଟିରେ ରଖି କେନ୍ଦ୍ର ସରକାର ଅଧିକାରୀଙ୍କ ସୁରକ୍ଷା ବୃଦ୍ଧି କରିଛନ୍ତି।ବର୍ତ୍ତମାନ ସେମାନଙ୍କୁ ସମଗ୍ର ଭାରତରେ ଜେଡ ବର୍ଗର ସୁରକ୍ଷା ଯୋଗାଇ ଦିଆଯିବ।ଏହା ପୁର୍ବରୁ ସେମାନେ କେବଳ ପଶ୍ଚିମବଙ୍ଗ ବାହାରେ ୱାଇ ବର୍ଗର ସୁରକ୍ଷା ପାଇଥିଲେ।